Egzekisyon somè se yon atak kont Dwa Moun.

                                                                                      Okay, 5 avril  2021

Nan yon nòt pou laprès ki soti 5 avril 2021, Obsèvatwa pou Egalite (O P E) kondane tout fòm dasasinay k ap fèt sou moun, sitou nan fen lane 2020 vin 2021 nan Ayiti.
O P E di, non kont egzekisyon somè nan Ayiti. Se yon atak kont dwa moun.

Nan Okay, lapolis plis komisè gouvènman Ronald Richemond ak kò milis li a, fiziye avivwa yon moun pou pipiti san fòseman nan ka lejitim defans.
Kèk lòt moun nan polilasyon an ap rache, lapide, boule moun pou bay tèt yo jistis.
Selon nimewo ven (20) konstitisyon 1987 Ayisyen ak tèks deklarasyon inivèsèl dwa moun nan atik kat (4): Dwa alavi li sakre, ki donk ni otorite yo, ni moun nan popilasyon an, ni bandi yo pou mòd zak asasinay sa yo dwe jije menm jan. Paske yo pa gen dwa wete lavi moun.
Nou mande tout dirijan ak tout lòt moun k ap fè zak sa yo pou yo sispann. Ak nou mande pou lajistis pouswiv san pèdi tan tout otè jan de krim sa yo.
Nan demach pou otorite yo rezoud pwoblèm ensekirite a. Yo dwe anvizaje konbat tout kalite enjistis ki sou do pòv yo. Ak pouswiv tout konplis yo ki mete zam nan men mas pèp la pou alimante ensekirite a pou zafè pèsonèl yo.
Se nan lespri pou anpeche boujwa, pouvwa Jovenel Moïse la ak politisyen abolotyo plis kò gwoup lage peyi a nan plis dezòd. Kote y ap chache chita piyaj yo pi byen sou richès peyi a. Konsa y ap itilize mas pèp la kòm pon. Tousenpleman akoz mas la nan mizè osinon yo vilnerab.
_______ _______
Jean Claudy Aristil Jean Ricot Gédéon
Kowodonate Sekrete Jeneral