Solidarite ak Guy Numa ki anba menas.

Okay, 22 Jiyѐ 2024

O P E Kondane tout akizasyon malonèt ki fèt sou yon manm konsѐy Obsѐvatwa Pou Egalite (O P E) Guy Numa nan yon nòt pou laprѐs.

Obsѐvatwa Pou Egalite (O P E) denonse epi kondane ak tout fòs li akizasyon malonèt Jackson Déna alyas depite lage sou do Guy Numa ki se manm Konsѐy Adminitrasyon Obsѐvatwa Pou Egalite (O P E), Jedi 18 Jiyè 2024 la, kòmkwadire Guy Numa se manm gwoup gang Vitel’homme Innocent. Daprѐ Jackson Déna, Guy Numa asosye l ak pѐ Yves Edmond kire pawas kafoujout ki nan komin Senjandisid, pou asasinen l.

Jackson Déna fѐ deklarasyon sa, sou medya anliy Amos Info ak Lebon FM, nan moman l ap pran swen nan lopital OFATMA, jedi 18 Jiyѐ 2024 la, swit, ak atak li di kѐk endividi ta fѐ sou li bò 9 vѐ nan aswѐ nan zòn mòn briye komin Pòsali. Kote, endividi sa yo ta ba li 2 bal nan vant. Jackson Déna fè konnen kire a, Yves Edmond te kòmanse pѐsekite li depi aprѐ pwogram kire a te òganize nan zòn nan, 5 rive 7 jiyѐ ki sot pase a. Selon sa ki te pase kòm ensidan nan aktivite sa, Jackson gen akizasyon sou do l, kote, li kase tѐt Jean Gardy Percy alyas Assad ak yon zam ilegal nan lѐ 2 zѐ 45 nan aprѐmidi, nan lekòl Sen Franswadsal kafoujout la ki nan komin Senjan ak Pòsali.

Guy Numa te vin fòmalize akizasyon sa, nan pibliye yon nòt pou laprѐs sou rezo sosyal yo pou denonse Jackson Déna kòm milis ansyen komisѐ gouvѐnman Okay la ki fѐ zak sa, avѐk zam ansyen komisѐ a te mete nan men li pou fѐ zak sal pou li. Sa k pi rѐd la, malgre Ronald Richemond pa komisѐ ankò, Jackson Dèna toujou avѐk zam sa nan men l ap sikile, jouk li rive fann tѐt Jean Gardy Percy alyas Assad. Nan nòt sa,, Guy Numa te mande pou lapolis ak lajistis arete, dezame ak trennen Jackson devan lajistis pou zak kriminѐl sa. Pè Yves bò kote pa li te bay yon konferans nan lokal radyo VPS pou denonse zak Jackson Déna te komèt nan lekòl kay pè a kote li te kase tèt epi benyen ak san Jean Gardy Percy (alyas Assad).

Jackson ki te fache kont sa ki di kont li nan nòt la ak nan konferans pè a,, te lage yon dividal akizasyon san prèv sou pѐ Yves Edmond.

Pou listwa ak pou laverite, pou sa ki konsѐne Guy Numa, nou menm anndan OPE pou sa nou konnen sou Guy Numa, depi plis pase 30 lane, depi anvan O P E te egziste, nou fѐ, n ap kontinye fѐ ekspeyans atravѐ yon dividal estrikti popilѐ andan kou deyò peyi a, Guy Numa rete yon militan konsekan, fouge, onѐt, diy, imen, pwogresis, pwòch moun ki pòv yo nan sosyete a .

Pandan tout pakou nou ansanm ak Guy Numa nan batay pou yon Ayiti jis, enkliziv, sekiritѐ, pou lapѐ, kont kriminalite nou pa janm tande okenn moun nan peyi a te janm akize Guy nan zak malonèt. Nou konnen se yon gwo manti lè Jackson Déna ap eseye asosye non Guy ak koze gang. Nou menm nan O P E, nou voye chantay sa jete nan poubѐl.

N ap di Jackson Déna plan sa l ap monte pou li ta eseye sal non Guy Numa pap pase. Jackson n ap mande w pou detwonpe w, paske Guy Numa se yon militan angaje byen koni nan mitan pѐp l ap akonpaye pou vin viv tankou moun depi plis pase 30 lane l ap fѐ sa.

Sѐl bagay nou konnen, adrѐs Guy Numa pa nan papòt okenn baz bandi, gang kriminѐl, raketѐ, li pa nan papòt okenn politisyen woulem debò/machann peyi, li pa nan papòt okenn anvayisѐ, kò gwoup, li pa nan papòt okenn moun k ap souse san pѐp la. Adrѐs Guy Numa, plante nan mitan pwoletѐ, mas peyizan defavorize, ouvriye, gwoup revolizyonѐ, òganizasyon popilѐ nan tout rakwen nan peyi a.

Guy Numa se manm Obsѐvatwa Pou Egalite (O P E) k ap defann dwa moun ki chita nan Chapantye komin Okay. Guy Numa se manm Konbit Aksyon Popilѐ Sid (KPAS). Guy Numa se manm Mouvman Demokratik Popilè ki nan lakou Pòtoprens, Guy Numa se travayѐ sosyal, se yon edikatè popilѐ k ap travay ak yon latriye òganizasyon atravѐ peyi a.

Jiskaprezan nou pako jwenn lòt aksyon Guy poze ki pou ta fè nou kwè nan akizasyon atache Jackson Déna yo

Kite priyѐ, ann nou pran kantik, kounye a. Nou menm andan O P E, pou sa nou konnen sou Jackson Déna ke nou pa fѐ okenn ekspeyans ak li nan wout nou, tousenpleman nou konnen li parapò temwayaj kѐk moun sou zak li nan milye l ap viv ak zòn antouraj li. Pou sa nou jwenn sou Jackson Déna kòm enfòmasyon, depi, sou ban lekòl, elѐv ak pwofesѐ te kòmanse dekouvri li kòm raketѐ, ki donk, Jackson te toujou gen konpòtman atoufѐ, li te toujou ap jwe kѐlkelanswa fason an pou li jwenn mwayen, privilѐj osinon lajan nenpòt jan pou li viv lavi li.

Kounye a,, Jackson Déna gen non li site nan yon bann zak malonѐt tankou : li se atache ansyen komisѐ Okay la Ronald Richemond ki mete zam ilegal nan men li pou fѐ zak sal pou Richemond, ak, l ap fè tyoul sipòtan delege Sid la Me Ketnor Estinvil, gen plizyѐ moun nan komin Pòsali kote l ap viv la ki akize li pou zak kriminѐl li fѐ sou yo deja, kòm egzenp, nou gen : Jean Gardi Percy alyas Assad, li abite kafoujout nan lokalite Ka Figawo, nou te deja mensyone nan paragraf avan yo, answit, li maspinen epi lage nan falèz Milor ensi koni k ap viv mòn briye komin Pòsali, kѐk semenn anvan zak 7 Jiyѐ a. Nan sans sa kѐk nan viktim yo deja pote plent epi nouvo komisè gouvènman Okay la lage yon manda damne dèyè li pou vyolans fizik li fѐ sou yo.

Apati tout sa nou etale la kòm zak malonѐt Jackson Déna ap fѐ sou pѐp Sen Jan ak Pòsali li klѐ, adrѐs Jackson Déna alyas depite se kò gang/kriminѐl ansyen komisѐ gouvѐnman Okay la Ronald Richemond ak kò milis delege Sid la, Ketnor Estinvil. Kidonk, li sanble se Jacson Déna ki fѐ pati kò gang Vitel’homme nan ki chita nan Petyonvil Pòtoprens.

Obsѐvatwa Pou Egalite (O P E) Mande :

1. Pou lapolis ak lajistis arete ak dezame tout atache ansyen komisè Richemond ak delege Okay la lage nan lari a, patikilyèman Jackson Déna alyas depite pou divès plent viktim nan popilasyon Pòsali ak Senjan deja fѐ kont li
2. Pou popilasyon Senjan, Pòsali ak rès peyi a, plis entѐnasyonal pa pran oseye fo akizasyon Jackson Déna lage sou do Guy Numa
3. Pou popilasyon an pa fѐ bak sou denonse y ap denonse Jackson nan ak jistis y ap anvizaje bò kote otorite jistis yo pou zak kriminѐl Jackson Déna fѐ sou yo nan jou ki sot pase la yo.

Ann leve vwa nou, nou tout ansanm pou n di :

Viv eta dedwa

Viv jitis san pasyalite.

Arete, jije, pini tout bouwo pou enjistis kaba

Jean Claudy Aristil Direktѐ Ekzekitif